Amawulire

Oluguudo lwe Katosi Mukono lubizadde

Olukiiko lw’eggwanga olukulu lusabiddwa okuyita minister w’ebyentabula Ibraham Byandala anyonyole ku mivulo egyetobese mu kukola oluguudo oluva e Mukono okuda e Katosi.

Kino kiddiridde amawulire okulumiriza Byandala okulagira ekitongole ky’ebyenguudo okuwa contract ya Buwumbi 24 eri Kampuni ya EUTAW okukola oluguudo luno.

Ssabawandiisi w’ekitongole kya  Civil society Coalition on Transport Sam Mutabazi agambye nti minister alina okunyonyola lwaki yavoola eteeka lya 2006 erifuga ekitongole eky’ebyenguudo.

Eteeka lino lijako minister obuvunanyizibwa obwokugaba contract wabula nerimuwa obuyinza obwokunonya enguudo eziri mu mbeera embi ezetagisa okukolebwa.

Mutabazi agambye nti waliwo amakampuni agagufudde omuzze okufeera ministry y’ebyenguudo olw’ensimbi enyingi zebafuna.

Wabula yye Minisita Eng Abraham Byandaala agamba nti talina musango