Amawulire

Okwegatta ge maanyi – Mbabazi

Eyali ssabaminisita w’eggwanga Patrick Amama Mbabazi agamba nti obumu kyekisinga obukulu mu kadde kano okuleetawo enkyukakyuka

Ng’ayogerako eri bannamawulire, Mbabazi agambye nti bannayuganda balina okuyiga okwegatta ku nsonga ezikwata ku buli omu naddala mu kaseera kano ng’eggwanga lyetaaga okubeera n’enkyukakyuka mu byobufuzi mu mirembe

Ono abadde ayanukula bannamawulire ku wa w’ayimiridde ku nsonga z’omukago gw’abavuganya ogwa Democratic Alliance

Ono bw’atuuse ku kulabula okwakoleddwa sipiika Rebecca Kadaga ku nsonga y’abanyankole na Bakiga obutalinnya waabwe, Mbabazi agambye nti akaseera kano ssi ka mawanga wabula kwegatta.

Mbabiz akinogaanyizza nti wakusooka kuvuganya ng’ayita mu kibiina kye era nga mukakafu nti wakuwangula kyokka nga ssinga tawangula wakusimba emabega w’oyo yenna anaaba awangudde okuleetawo enkyukakyuka