Amawulire

Okuziika supreme mufti- Nakibinge aweze

Omukulembeze w’eggwanga Yoweri Kaguta Museveni asabye abakulembeze b’obuyisiramu okugenda mu maaso nekawefube w’okugatta abasiramu alekeddwa supreme Mufti sheikh Zubair Kayongo.
Bino pulezidenti abyogeredde mu kusabira omwoyo gw’omugenzi wali ku muzikiti e Kibuli.
Pulezidenti ategezezza nga omuganzi bw’abadde omwesimbu enyo nadala munteseganya ezibadde zigenda mu maaso kale ngabasirimu abalala balina okumulabirako.
Museveni era agambye nti okunonyereza kwebaze okulaga nti okutibwa kw’abasiramu okugenda maaso kuva ku njawukana eziri mu basiramu ab’ebiwayi ebyenjawulo.

Ye Ssabasajja Kabaka wa Buganda Ronald Muwenda Mutebi 2 ayongedde okusaasira abayisiraamu olw’okufiirwako Supreme Mufti Sheikh Zubair Sowedi Kayongo.
Mu bubaka bwatisse Katikkiro Charles Peter Mayiga Ssabasajja ategezezza nti endiini y’obusiramu, obwakabaka bwa Buganda wamu n’eggwanga okutwaliza awamu, bafiriddwa omuntu omuzibu okuzaawo.
Ye Katikiro agambye nti omugenzi abadde tatiiririra Kabaka we ne mubiseera ebyakazigizigi.

Ye jajja w’obuyisiraamu wano mu ggwanga omulangira Kassim Nakibinge atenderezza omugenzi nga omusajja abadde omugumu mu buli nsonga.
Nakibinge era yebaazizza government olw’okuwayo ensimbi obukadde 75 eziyambye muntekateka z’okuziika.
Ono era asiimye gavumenti y’eggwanga lya Tanzania olw’okusasula ensimbi mu ddwaliro lya Agha Khan omugenzi gyeyafiridde.

Sheikh Zubair Kayongo y’afudde olunaku lw’eggulo mu ddwaliro lya Aga Khan Hospital e Daresalaam mu Tanzania, era ngawakuzikibwa e Buswabulongo mu disitulikiti ye Kiboga