Amawulire

Okuwulira omusango gwa Besigye ne Mukaaku gw’ongezedwayo

Bya Ruth Anderah,

Omusango gw’okukuma mu bantu omuliro oguvunanibwa eyali president wa FDC Dr Kiiza Besigye wamu ne munywanyi we Lubega mukaaku ogubadde ogw’okuddamu okuwulirwa enkya ya leero tegugenze mu maaso nga bwekyabade kisuubirwa.

Kidiiridde abantu abali mu musango guno okuba nga tebasobodde kubeerawo ate ng’abalala babadde nemisango mu budde bwebumu mu mbuga endala.

Omuwaabi wa Gavumenti Jean Nareeba okuva ku court y’okuluguudo Buganda bino yabitegeezezza omulamuzi wa Court y’eddala erisooka ku luguudo Buganda Asuman Muhumuza mu court enkya ya leero.

Kati okuwulira omusango kwongezeddwayo okutuusa omweezi ogujja nga 22 okuddamu okuwulirwa.