Amawulire
Okulonda e Bugiri kutambudde bulungi
W’owulirira bino nga okulonda kwa ssentebe wa disitulikiti ye Bugiri kugenda mu maaso.
Abesimbyewo kuliko munna NRM Hajji Siraje Byavala , owa FDC Luba Bumaali, n’abesimbyewo kulwabwe alangalira Mwamadi, Simon Funa n’eyali omubaka wa Bukooli Abdu Nakendo.
Ekifo kino kyasigala kikalu oluvanyuma lw’eyali ssentebe Marijani Azalwa,kkooti okumufumula lwamusango gwakukuba n’alumya gwebaali bavuganya mu kulonda kwa 2011 David Mulengeni.
Omusasi waffe Abubaker Kirunda atutegezezza nga akulira ebikwekweto mu poliisi Andrew Felix Kaweesi bwali mu kitundu nga era abaserikale bangi bayiriddwa okwewala effujjo lyonna.