Amawulire

Okukubaganya ebirowoozo kujja

Oluvanyuma lw’okutegeka okukubaganya ebirowoozo eri abesimbyeewo ku bukulembeze bw’eggwanga, ab’akakiiko akagatta bannaddiini batandise okutegeka okukubaganya ebirowoozo.

Ngayogerako eri bannamawulire, omulamuzi James Ogoola agambye nti basazeewo okutegeka okukubaganya ebirowoozo okulala kubanga okwasooka kwatambudde bulungi

Omulamuzi Ogoola agambye nti batandise okutuukirira abesimbyeewo okumaliriza ku lunaku olupya kyokka nga kyakubaawo wakati wa 10 ne 12 omwezi ogw’okubiri.

Okukubaganya ebirowoozo okwa luno kwakussa essira ku nsonga z’ebweru w’eggwanga, okwegatta kw’amawanga ga East Africa, okulwanyisa obuzzi bw’emisango , ebyobusuubuzi n’ebirala.