Amawulire

Okugema ekirwadde kya Kolera kutuuse e Nebbi.

Bya Ben Jumbe.

Minisitule  ekola ku by’obulamu etongozezza phase eyokubiri ey’edagala erigema ekirwadde kya Cholera nga lino litandikidde  mu kitundu kye Parombo mu Nebbi District.

Bwabadde atongoza edagala lino minisita  akola ku by’obulamu Dr. Jane Ruth Aceng  agambye nti dosi  y’edagala lino yakutekebwanga mu kamwa era nga litandikira ku baana abasusizza omwaka okusobola okubatangira okukwatibwa ekirwadde kino.

Edagala lino ligenda kuba liweebwa omuntu emirundi ebiri ,oluvanyuma lwa sabiiti biri era nga omuntu yenna alikozesezza abeera yetangidde ekirwadde kino okumala emyaka etaano.

Minisita  agamba nti okugaba eragala lino kutandikidde mu  distict 11 ewasinga okubera omutawaana .

Phase eyasooma yali Hoima  nga eno abantu 360,000 baagemebwa  songa bwebanaava awo bagende e  Nebbi, Pakwach, Buliisa ne  Zombo gyebagenda okugemera  abantu  615,000 .