Amawulire

Okuddabiriza Namugongo kutandise

File Photo: Abalamazi nga bali e namugongo

Ssabasumba w’essaza ekkulu erya Kampala Dr Cyprian Kizito Lwanga alangiridde mu butongole enteekateeka z’okuddabiriza ekiggwa ky’abajulizi ekye Namugongo n’ekye Munyonyo ng’omulimu gutandise olwaleero.

Bino byonna byakukolebwa ng’eggwanga lyetegekera okukyala kwa Papa Francis mu mwezi gwa November.

Ekelezia katolika era etegezeza nga Papa bw’agenda okutuuka kuno nga 27, olwo nga 28 agende e Namungongo ne Munyonyo ate nga 29 ayolekere eggwanga lya Central African Republic.

Bw’abadde atongoza omulimu guno Ssabasumba w’essaza ekkulu erya Kampala Dr.Cyprian Kizito Lwanga agambye nti ekelezia yetaaga ensimbi eziweza obuwumbi 50 okuddabiriza Namugongo ate obuwumbi 23 okuddabiriza Munyonyo.

Dr Cyprian Kizito agambye nti ensimbi zino zakuddaabiriza Balisika,okuzimba empuku z’abajulizi 23, okuddabiriza akayanja k’abajulizi wamu n’emirimu emirala.