Amawulire

Ogwokubba obululu gugenda musaso

File Photo: Mbabazi ngali nabawagizibe

Okuwulira omusango gwebyokulonda ogwawaabwa Amama Mbabazi nga awakanya ebyava mu kulonda kutandise mu kkooti ensukulumu.

Mu mpaaba ye, Mbabazi ayagala okubala obululu kuddibwemu oba baddemu okulonda.

Bannamateeka benjuyi zombie basuubirwa okukkanya  ku byebagenda okwesigamako mu kuwulira omusango guno.

Mbabazi awawabira pulezidenti Museveni, ssabawolereza wa gavumenti wamu n’akakiiko k’ebyokulonda.

Wabula pulezidenti Museveni akyakalambidde nga okulonda bwekwali okwamazima nga Mbaabzi by’ayogera tabilinako bukakafu.

Museveni yegaana eby’okukozesa amagye ga UPDF wamu ne poliisi okukwata Mbabazi n’abantu be okubalemesa okukuba kampeyini.

Abalamuzi 9 bebokuwulira omusango guno nga bakulembeddwamu ssabalamuzi Bart Katureebe n’abalala okuli, Eldad Mwangusya Lillian Tibatemwa,Jotham Tumwesigye, Esther Kisaakye Mayambala, Stella Arach Amoko, Augustine Nshimye, Rubby Opio Aweri,ne  Faith Mwondha.