Amawulire

Ogw’abatujju gujulidde

Omusango gw’abateberezebwa okutega bbomu mu 2010 nebatta abasoba mu 70 ssigwakuwulirwa olwaleero.

Kino kiddiridde abamakomera okutegeeza nga bwebafunye ebiragiro okuva eri kkooti obutatwala basibe bano olw’embeera eriwo.

Omwogezi w’ekitongole ky’ebyamakomera Frank Baine agamba baakusisinkanmu aba kkooti enkulu okuteesa eky’okuzzaako ku nsonga y’abasibe bano.

Olwaleero omujulizi wa gavumenti Mahmoud Mugisha abadde asuubirwa okwongera okuwa obujulizi.

Mu  2011 Mugisha y’akkiriza omusango gw’okuyamba ku butujju nebamusiba emyaka 5 gyeyamazeeko nga kati mujulizi wa gavumenti.

Gyebuvuddeko y’asonze mu bantu bataano okuli  Habib Sulaiman Njoroge, Hussein Hassan Agade, Mohamed Ali, Isa Luyima ne Dr. Ismail Kalule okubaako nekyebamanyi ku batujju ba Al-shabab.

Mugisha era y’alumiriza  Suleiman Hijja Nyamandondo munansi w’eggwanga lya Tanzania agambibwa okuvuga ebikola bbomu okuva e Kenya ne Somalia n’abiyingiza Uganda.

Bano bavunanibwa emisango  76 egy’obutemu, 10 gyakugezaako kutta bantu , 3 gyabutujju ssaako n’okuyamba mu kukola obutujju.