Amawulire

Namwandu wa Kasiwukira bamwongeddeyo mu kkooti enkulu

Sarah Nabikolo nga ono ye namwandu w’omugenzi Eria Ssebunya bangi gwebamanyi nga Kasiwukira asindikiddwa mu kkooti enkulu ne banne abalala babiri ku musango gw’okutta bba.

Ono abadde alabiseeko mu kkooti ye Makindye
Obujulizi obuleeteddwa mu kkooti eno bulaze nga Kasiwukira ne mukyalawe bwebaalina obutakkaanya mu bufumbo bwabwe .

Obujulizi era bulaze nga mukyala Kasiwukira bweyalumiriza bba okubeera n’amayembe agaali gaagala ssadaaka y’omusaayi gw’omu ku batabanibe oba ye yenyini nga y’ensoga lwaki y’ali ayagala okumugyawo.

Kasiwukira y’atomerwa mmotoka n’ebulawo nga akola duyiro kumpi n’amaka ge e Muyenga nga 17 October 2014.