Amawulire

Namuganza bimwononekedde

Bya Ruth Anderah

Minister omubeezi owebye ttaka, Persis Namuganza olunnaku telumutambulidde bulungi,  bwalamererddwa okukakasa akakiiko akanonyereza ku mivuyo gye ttaka ku byokunonyola omukulembeze we gwanga ku bwananyi ku ttaka lye Mubende.

Ba Commissiona mu akakiiko akakubirizibwa omulamuzi Catherine Bamugemereire, bamukunyizza nga bagala aokumanya obanga ensonga zino okuzitwala ewomukulemeze we gwanga ddala kyali kigwanidde.

Bamubuzizza nti ddala ekigendererwa kye kyali ki okumala gaddukira ewomukulembeze we gwanga, songa naye nga minister webye ttaka yali alina obuyinza okugonjoola endoolito zino.

Minister era bamuneyezza okulondobamu abanatu beyatwala ewomukulembeze we gwanga.

Ono ekyamuleese mu kakiiko kwekubaako byanyonyola kungeri gyebagobaganyamu amaka 350 okuva ku ttaka eriweza square mile 3 mu 2013 ku kyalo Kituule mu gombolola ye Kitorogo e Mubende.

Bano eyali omukulu we ssomero lya Nakasero Primary School, Milly Naava Namutebi yeyabagobaganya, ngagamba nti ettaka lilye.