Amawulire

Nambooze Agenda Kuwandikira Ssababalirizi ku Nsasanya Ye’nsimbi mu DP

Bya Ivan Ssenabulya

Omubaka wa munisipaali eye Mukono Betty Nambooze alabudde nga bwagenda okuwandikira ssababalirizi webitabo bya Government ngayagala atunule mu nsasanya yensimbi mu kibiina kyabwe ekya Democratic Party.

Ono agamba obukulembeze bwandiba nga bulina engeri gyebubulankanyizaamu ensimbi.

Nambooze olunnaku olwe ggulo yatuzizza olukiiko lwabamemba e Mukono ngali wamu nomubaka we Masaka Mathias Mpuuga okwongera ku byenfuna bya DP.

Ayogedde ku nsimbi obukadde 700 ezigambibwa nti zaweebwa kamupni emu okunonyererza ku ngeri ekibiina gyekiyinza okuzukusibwamu okuddamu okufuna obuganzi mu bantu.

Agamba gano gandiba nga gaali malya ga nsimbi.

Bwabadde ayogerera mu lukungaana lwerumu, omubaka Mathias Mpuuga asabye bann-kibiina okuyimirira awamu okulwanyisa kyayise obukulembeze obubi mu kibiina.