Amawulire

Museveni, Besigye ne Bobi-Wine bolekedde Arua

Bya Shamim Nateebwa

Ssentebbe wekibiina kya National Resistance Movement era omukulembeze we gwanga, Gen.Yoweri Kaguta Museveni olwaleero asubirwa amu munispaali ye Arua okunonyeza munakibiina, Nusura Tiperu akalulu.

Okusinziira ku ssbawandiisi wekibiina kya NRM Justice Lumumba Kasule, president Museveni agenda kwogerera mu nkungaana 2, mu Division2 ezikola essaza lino okuli e Arua Hill ne River Oil.

Abakulu mu kibiina okuli Sam Engola ne Huda Oleru bbo baagumba dda mu kitundu kino, kati okumala wiiki 2.

Ate eyali presidenti wa FDC Dr Kiiza Besigye naye ssi wakulutumira mwana, okunonyeza Bruce Musema akalulu.

Omubaka wa Kyadondo East mu palamenti Robert Kyagulanyi Ssentamu amanyiddwa bga Bobie Wine wakunnyeza Kasiano Wadri, eyajidde kubwa namunigina.

Abavuganya bawera 12 okuli owa FDC Bruce Musema, Kasiano Wadri, Francis Elton Nyero, Jaffar Alekua ne Alfred Nyakuni, abajidde kubwanamunigina.

Okulonda kubindabinda okubaawo nga 15 omwezi guno, nga kyadirira obutemu obwakolebwa ku eyali omubaka we kitundu Ibrahim Abiriga mu June womwaka guno.