Amawulire
Museveni aweze- Tujjja Kuwangula
Pulezidenti Museveni ajjeeyo foomu okwesimbawo ku bukulembeze bw’eggwanga olunaku lwaleero n’asuubiza okutwala eggwanga mu maaso.
Pulezidenti abadde awerekeddwaako ba minisita, ababaka mu palamenti kko ne bannakibiina abatali bamu agambye nti ekimu ku bituukiddwaako kwekutuusa emirembe mu bitundu byonna.
Museveni agambye nti musanyufu nti era eggwanga lyongedde okulwanyisa enguzi era nga liri mu lugendo olutuufu.
Pulezidenti Museveni wabula agambye nti kati obuzibu obukulu obusigaddewo ly’ebbula lyemirimu ng’abavubuka bangi tebalina byakukola kyokka nga kino kikolebwaako.
Pulezidenti Museveni abadde ajjayo foomu nga Mbabazi yakalangirira nti wakwesimbawo ku lulwe ku bukulembeze bw’eggwanga.
Mbabazi agambye nti obukwakkulizo bubadde bususse mu NRM ate nga tebamuddamu kwekusalawo okwepena ekibiina.
Ababaka abamu bagamba kyandiba ekizibu okuwangula ng’ali bweru wa kibiina kyokka bbo abalala bagamba nti mutuufu kubanga ekibiina kibadde kijja kumulemesa.
Abamu ku babaka betuwayizzaamu nabo kwekubadde Joseph Balikudembe, Wafula Oguttu, Florence Mutyabule ne jackline Amongin.
Bbo ab’ekibiina kya NRM bagamba nti Mbabazi okwesimbawo ku lulwe kiraze nti mutiitiizi.
Omwogezi w’ekibiina kya NRM Ofwono Opondo agamba nti wabula tebewunyizza kubanga Mbabazi bamulabirawo ng’abuzabuuza mbu ayagala kujjira mu NRM naye nga alina ebigendererwa ebirala.