Amawulire

Museveni atendereza omugenzi Julius Nyerere

Bya Prossy Kisakye,

Omukulembeze weggwanga Museveni atendereza omugenzi Julius Nyerere eyaliko omukulembeze weggwanga lya Tanzania okuba omusajja eyali ayagala okwegatta ate omulwanirizi weddembe mu Africa.

Bino Museveni abitisse minisita avunanyizibwa kunsonga ezomunda muggwanga Kahinda Otafiire, mu kusaba okutegekeddwa ku biggwa bya bajjulizi e Namugongo ne kigendererwa ekyokusabira Nyerere asobole okutekebwa mu lubu lwa batukirivu.

Museveni agambye nti singa teyali omugenzi Nyerere Uganda teyalinunuddwa era nga yali musajja omwagazi wemirembe.

Pulezidenti M7 era ategezeza nti Nyerere yali mukulembeze omwelufu nga tali nga bakulembeze ba Africa abalala abenyigidde mu kulya obulyake ekizingamiza enkulakulana amawanga ga Africa nkumu.

Mungeri yemu agambye nti Nyerere yalina ekirooto eky’okugatta Africa newankubadde teyakitukako nasaba abaliwo kati okukikolerera.