Amawulire
Museveni ali Bugiri leero
Omukulembeze w’eggwanga Yoweri Museveni asuubirwa mu bitundu bye Bugiri okunonyeza akalulu munna NRM Hajji Siraje Byavawala eyembyewo ku kuddamu okulonda kwa ssentebe wa disitulikiti eno .
Ssabawandiisi wa NRM Justine Lumumba Kasule agamba pulezidenti Museveni wakukuba enkungaana ez’enjawulo era wakutangaaza ku byayogerwa eyali ssenkagale wa FDC Dr Kiiza Besigye nga alumba NRM Bweyali mu disitulikiti wiiki ewedde.
Olwokaana luno mulimu ne munna FDC Luba Bumaali,n’abesimbyewo ku lwabwe okuli Walangalira Mwamadi, Simon Funa n’eyali omubaka wa Bukooli north Abdu Nakendo.
Ab’eBugiri bakusuula akalulu nga 19th of March-2015 oluvanyuma lw’ekifo kino okusigala nga kikalu olw’eyali ssentebe Marijani Azalwa okugobwa mu ofiisi kkooti bweyamusingisa ogw’okukuba n’alumya gwebaali bavuganya naye David Mulengeni mu kampeyini za 2011.