Amawulire

Mubajje ayolekedde Masaka-Ebyokwerinda binywezeddwa

Eby’okwerinda binywezeddwa ku muzikiti gwe Kitenga mu disistulikiti ye Masaka nga abaayo balindirira Mufti Wa Uganda Shaikh Shaban Ramadhan Mubajje okusaalirayo Juma.

Okusooka kyategezebwa nga Mufti bweyali ow’okusaalira ku muzikiti omukulu e Masaka wabula Disitulikiti Khadhi w’e Masaka sheik Swaib Nduga n’abakulembeze abalala nebamugoba nga bagamba aba supreme baagala kweddiza muzikiti gwabwe.

Omubaka wa pulezidenti e Masaka  Linos Ngopek agamba baayogedde n’abe Kitenga mu Nyendo okukyaaza Mufti nebakkiriza.

Ye omukulembeze w’abasiraamu abasalaf e Masaka Sheik Muhamad Mutazindwa ategezezza nga bwebali embaga w’enteekateeka za Mufti kale nga beetegefu okusaala naye Juma.

Bbo ab’ekiwayi ky’e Kibuli nga bakulemberwamu supreme Mufti Sheikh Zubair Kayongo bawakanya enteekateeka eno nga baagala ebintu by’abayisiramu ebyatundibwa bisooke okukomezebwawo nga okwegatta kuno tekunatuuka.