Amawulire

Ministry eganda kusengula ekitebbe kyayo

Bya Ivan Ssenabulya

Abatuuze mu Canan site Estate ku kyalo Kituba mu
gombolola ye Nama mu district ye Mukono emitima jibewanise oluvanyuma lw’ekitongole kya Atomic Energy Council (AEC) okubategeeza nga bwekigenda okuzimba etterekero ly’amayengo ag’obulabe agamanyiddwa nga Radioactive mu kitundu kyabwe.

Abekitongole kino bategezezza nga bwebagula yiika 11 mu estate eno ngera wano webagenda okuzimba ekitebbe kya Ministry yamasanyalaze nebyobugagga ebyomu ttaka.

Aba AEC nga bakulembeddwamu Ruth Asaba(Protection Officer) basinzidde mu lukiiko lwebayise olutudde ku
ssomero lya St. Andrew Kaggwa Kichwa R/C P/S, bagambye
nti ekifo kino bakigula dda mu mwaka gwa 2011.

Wabula abatuuze nga bakulembeddwamu ssentebbe Mary Nagawa bakukuluma nti kino kigenda kubagotaanya.