Amawulire

Gen.Nyakairima akubiddwa mu mu mbuga z’amateeka.

Minisita akola ku nsonga z’omunda mu ggwanga Gen Aronda Nyakairima, kko n’akulira ekitongole ky’amakomera Dr. Johnson Byabashaijja,  batwaliddwa  mu mbuga z’amateeka , ng’entabwe eva ku basibe 2 abafiira mu kkomera lye Kirinya  e Jinja .

Omu kubaali abasibe  mu kkomera lino Yahaya Lukwago ,agamba nti mu mwezi gw’omunaana mu mwaka 2009  yalaba abasibe 2 nga bafa okuli Abdul Karim ne Felix Arorongo , nga bano bakubwanga abajaasi okumala ennaku 40 obutasalako okutuusa lwe baafa.

Lukwago, agamba nti munne Karim yavangamu omusaayi mu nyindo awataali ayamba ,okutuusa lweyassa ogw’enkomerero nga  August 7th, 2009.

Kati ono nga ayita mu bannamateeka aba Rwakafuzi and company advocates, ayagala Gen. Nyakairima atondewo akakiiko ak’enjawulo akagenda okunoonyereza ku nsonga eno