Amawulire

Minisita Katumba alagidde aba Tulafiki bongera okumyumyuula mu mateeka

Bya Mike Sebalu,

Minisita w’eby’entambula Edward Katumba Wamala alagidde abasirikale b’ebidduka ku makubo okwongera okubeera abakambwe nga bakwasisa amateeka g’okumakubo awatali kuttira muntu yenna ku  liiso.

Minister agamba nti omuwendo gw’abantu 250 abafiiridde mu biseera by’ebikujjuko gwayitiridde nga kyetaagisa okugangula ku doboozi.

Agamba nti neby’okwekwasa amakubo nti gemabi nakyo kisanye kikomezebwe wabula abantu bedde bwezzi ku mpisa nga bali ku makubo.

Katumba agamba nti mpisa mbi eyabavuga ebidduka zezisinze okuviirako obubenje ku makubo nga n’abamu balwabwako ba lu watsup ku massimu ng’eno bwebavuga ebidduka.

Yabadde ku Kabira Country Club akawungeezi kajjo nga aba Rotary Club basiima Police Constable Isaac Sekatanza ow’ebidduka ku makubo, olw’omulimu omulungi gwakola n’ekilabo, ensimbi enkalu ne kalonda omulala.

Katumba asiimye aba Rotary olw’okulondobayo Sekatanza ali ku daala erisookerwako mu Poliisi olw’omulimu omulungi nagamba nti kino kibeere kyakulabirako eri abakozi abalala nti okubeera omuweereza omulungi tekikwetaagisa kubeerqa mu bitiibwa byawaggulu.