Amawulire

Minisita avumiridde abazadde abambala mini

Bya Prossy Kisakye, Bannanyini masomero bakutiddwa obutagezaako kukkirizza bazadde bambadde bubbi kuyingira mu bibangirizi by’amasomero gaabwe kitangire abayizi obutakoppa nyambala nga zino ekiyinza okubaleetera ebikemo ne balemererwa okusoma.

Okusaba kuno kukoledwa minisita omubeezi ow’ebyenjigiriza ebisokerwako Rose Mary Seninde bwabadde ayogerako ne bannamawulire mu Kampala.

Minister ategeezezza nga bwe kyenyamiza okulaba abazadde abandibadde eky’okulabilako eri abaana baabwe ate okwenyigira mu bikolwa bino ebitalimu nsa omuli okwambala obubbi nga bagenda ku masomero g’abaana baabwe.

Ono ategeezezza nga kati abayizi bwe batandise n’okukoppa enyambala za bazadde baabwe nga basala yinifoomu zaabwe okuzifuula zimini .