Amawulire

Minisita akuutidde bannalwengo okukuuma obutondebwensi

Bya Gertrude Mutyaba,

Minisita akola ku nsonga z’obwa pulezidenti Milly Babirye Babalanda akubirizza banna Lwengo okwongera okukuuma Obutonde bw’ensi okwewala amataba agawulirwa mu bitundu byeggwanga ebyenjawulo.

Babalanda okwogera bino abadde atutte mataaba obukadde 15 okukubagiza enju y’omwami Vincent Kasiita omutuuze ku Kyalo Kiryankuyege mu gombolola ye Lwengo rural mu district ye Lwengo oluvannyuma lw’okufiirwa abaana be basatu mu mataba e Mbale sabiiti bbiri eziyise webaali bagenda okwanjula.

Abagenzi kuliko Richard Mulindwa, Edward Mugumya ne Prossy Nalubega.

Babalanda wano wasinzidde n’asaba banna Lwengo okutaakiriza Obutonde bw’ensi okwewala okusanyaawo obulamu bw’abantu mu bintu ebitaliimu.

Lydia Namugerwa omu ku banna Mwandu asiimye gavumenti okubawa ensimbi kyokka naasaba bazira kisa okwongera okubakwasizaako olwokuba nti abaami abaafudde babalese mu mizigo ate nga balina abaana ab’okulabirira.