Amawulire

Mbabazi wakutandika okutalaaga eggwanga omwezi ogujja

Eyali ssabaminisita w’eggwanga  Amama Mbabazi awandiikidde akakiiko k’ebyokulonda mu butongole n’abeyanjulira nga bw’agenda okwesimbawo ku bwapulezidenti omwaka ogujja. Mbabazi yesigamye ku kawayiro namba 3 mu ssemateeka w’eggwanga akawa omuntu agenda okwesimbawo eddembe okutegeeza akakiiko kano ku nteekatekaze z’okwesimbawo. Agamba wakwebuuza ku balonzi okwetolola eggwanga lyonna nga bweyetegekera okusunsulwa. Wakutandikira Mbale nga 9 July agende e Soroti ne Moroto Nga avudde eyo wakwolekera  Lira Gulu ne  Arua before olwo aggye mu kampala nga  17th July 2015. Wakukomekereza okwebuuza kwe mu disitulikiti ye Kanungu gy’azalibwa. Mbabazi era ajjukizza akakiiko k’ebyokulonda nga etteeka bwerimuwa ekyanya okwebuuza ku balonzi nga okusunsulibwa tekunatuuka. Kino kigyidde mu kiseera nga wakayita olunaku lumu lwokka nga poliisi n’abakakiiko k’ebyokulonda kyebaggye balumirize abawagizi ba Mbabazi okukuba kampeyini nga obudde tebunatuuka.