Amawulire
Mbabazi awandikidde Museveni- vvaako mu mirembe
Ebipya byongedde okuzuuka ku nsonga z’eyali ssabaminista w’eggwanga Amama Mbabazi okwesimbawo ku bukulembeze w’eggwanga
Amawulire getufuna galaga nti Mbabazi yasooka kuwandiikira pulezidenti Museveni ng’amusaba ave ku ntebe mu mirembe
Mu bbaluwa eno eyawandiikibwa nga 13 omwezi guno, Mbabazi mweyayita okutegeeza Museveni nti bingi ebikoleddwa wansi wa gavumenti ye kyokka nga kati olugero olwo luweddeko.
Mbabazi agamba nti keekadde ebikoleddwa byetegerezebwe okulaba nti byebituufu era nga y’ensonga lwaki avuddeyo
Ono era ajjukiza pulezidenti nti abakulembeze ba FRONASA ne NRA bakoze bingi kyokka keekadde bave mu njogera ya twanunula eggwanga , omutendera omulala gutuukibweeko.
Nga bino biri biti, wetwogerera ng’ebipande bya Amama Mbabazi biri Karamoja.
Ng’oggyeeko ebipande ebintu ebirala nga emijoozi gyatandise dda okwambalwa ate nga zzo seeti kati abayizi zebakwata
Bino bitambuzibwa abavubuka abeeyita abatalina mirimu.
Ebipande bino kati abavubuka basazeewo kubikwasa bantu nga batya okukwatibwa nga babitimba
Mu kibuga kye Moroto, waliwo ababadde batandise okwambala emijoozi kyokka nebagyeyambula oluvanyuma lw’okutegeera nti poliisi ebadde ebawenja
Bbo abawagizi ba Mbabazi basiiba batuula bufofofo bukyanga bategeera nti Mbabazi agenda kwesimbawo ku bukulembeze bw’eggwanga.
Yye omu ku bavubuka abakwatiddwa olw’okutambuza ebipande bya Mbabazi ayimbuddwa
Robert Kabarebe Kihembe yakwatibwa ku bigambibwa nti yeeyakulemberamu ekibinja ekyabadde kitimba ebipande mu kibuga kye Kabale
Omwogezi wa poliisi mu kitundu kye Kigezi Elly Maate agambye nti omuvubuka ono agguddwaako misango gyakutandika kampeyini nga bukyaali era nga bakuyimbulwa ng’okunonyereza kuwedde
Ate e Masaka , n’abakwatiddwa abana, basimbuddwa mu kkooti nebaggulwako emisango gyakubeera na byeneena
Mu disitulikiti ye Arua, nayo waliwo basajja ba Mbabazi abakwatiddwa lwakutimba bipande.