Amawulire

Mbabazi agumbye e Mbale- poliisi ebyegaanye

Ssenkaggale wa poliisi Gen Kale Kaihura agumbye mu disitulikiti ye Mbale.

Kino kyakwetegekera Amama Mbabazi ayagala okutandikira eno mu kawefube gw’aliko ow’okwebuuza ku balonzi ku nteekateeka ze ez’okwesimbawo ku bukulembeze bw’eggwanga

Emotoka za poliisi zirabiddwaako nga zirawuna ebibuga emisana n’ekiro nga n’abasirikale beyongedde mu bitundu ebitali bimu

Wabula omwogezi wa poliisi mu bitundu by’ensozi Elgon Diana Nandawula agamba nti Gen Kale Kaihura okugenda e Mbale yayitiddwa aba Yunivasite y’abasiraamu era nga wakuvaayo olunaku lwaleero.

Nandawula agambye nti atwala ebikwekweto mu ggwanga Felix Kaweesi  y’ali mu kitundu okwekeneenya eby’okwerinda.

Nandawula agambye nti ssabbiiti ewedde bassaawo emisanvu ku nguudo enkulu oluvanyuma lw’okufuna amawulire nti waliwo abasaza ebipanden’emijoozi gya Mbabazi okubiyingiza mu ggwanga.