Amawulire

Lwaki amasomero gakola bubi

File Photo: Abayizi nga bakoora ebigeezo

Abakugu mu by’enjigiriza bagaala wabeewo okulondoola enkola y’amasomero mu ma distulikiti agatali gamu.

Olunaku lwajjo ebigezo byafulumye nga kyeyoleka nti abayizi abali mu mitwalo munaana mu enkumi bbiri byeebagwa ebigezo.

Disitulikiti okuli Amudat,Yumbe ,Kween ne Lamwo zeezimu ku zaakoze obubi

Akulira ekibiina ekigatta amasomesa mu masomero g’obwananyini Patrick Onyango, obutalondoola biva mu bigezo kyekisinze okuleeta obuzibu kubanga tewali ngeri bintu gyebiyinza kulongoosebwa

Ggo Amasomero agataafunye bigezo byaago olw’okukoppa gakyatoba kufuna byegategeezaabazadde.

Tuyiseeko mu masomero nga St Kizito Kyengeza primary school, Kitovu Primary school ne Bulimba Primary school ng’abayizi n’abazadde emitima gibewanise.

Abakulira amasomero gano baganye okuboako nekyebogera ku nsonga entuufu eyaviriddeko ebigezo by’abayizi okukwatibwa  era nga tebasangiddwa ku masomero ekireseewo okutya okwamanyi eri abazadde n’abayizi.

Abazadde aboogeddeko naffe bategezezza nga bwebagala abakulira amasomero gano babanyonyole lwaki ebigezo bya baana baabwe tebyakomyewo ate nga baasasula ebyetagisa byona.

Omubaka wa pulezidenti e Mityana Joy Walusimbi agambye nti kyenyamiza okulaba nga wakyaliwo amasomero agenyigira mu kukoppera abayizi ky’agambye nti kiva ku basomesa butatuukiriza buvunanyizibwa bwabwe.

Walusimbi agambye bakukola okunonyereza okuzuula ekituufu ekyaviriddeko ebigezo bya masomero gano okukwatibwa.