Amawulire

Kkooti eyimirizza okusengula aba leerwe

Kkooti eyimirizza eby’okusengula abantu abasenga ku ttaka ly’oluguudo lw’eggaali y’omukka

Amyuka omuwandiisi wa kkooti ye Nakawa, Flavia Nassuuna y’alagidde KCCA obutaddamu kusengula bantu bano okutuusa ng’okwemulugunya kwaabwe kukoleddwaako

Kkooti egambye nti okutuusa nga kitegerekese ani nnanyini ttaka omutuufu, buli kimu kigira kiyimirira

Nasuuna agambye nti okusinziira ku bujulizi obuleeteddwa,kyeyoleka nti abantu bano babadde bamanyiddwa KCCA n’ekitongole ky’eggaali y’omukka kale nga bino byonna birina okukolebwaako.

Okusinziira ku bannamateeka b’abantu bano okuli Caleb Alaka ne Kenneth Kakande, abantu bano babadde ku ttaka lino okumala emyaka 12 ekibafuula bannyini ttaka era nga tebayinza kusendebwa nga tebasasuddwa