Amawulire

Kkooti eyimiriza okulonda kwábannamawulire

Bya Ruth Anderah,

Kkooti enkulu mu Kampala efulumizza ekiragiro eky’ekiseera ekiremesa ekibiina omwegatira bannamawulire mu ggwanga ki Uganda Journalists Association okutegeka okulonda abakulembeze abagya okubadde kulina okubaawo nga February 25th 2023.

Ekiragiro kino kifulumiziddwa omulamuzi wa kkooti enkulu, Musa Ssekaana enkya ya leero.

Okusinzira ku mulamuzi ekiragiro kino kya kusigala mu nkola okutuusa nga 28th February 2023 kkooti lweliwulira omusango ogwawaabwa abamu ku baali bagala obukulembeze

Bannamawulire bataano baawawaabira ekibiina kya UJA olw’okubalemesa okwetaba mu kulonda okubindabinda.

Ku bano kuliko Abubaker Lubowa, Zambaali Bulasio Mukasa, Emmanuel Nkata, Hasifu Sekiwunga ne Martin Kimbowa nga bawawaabira pulezidenti we kibiina aliko Mathias Rukundo n’omuwandiisi w’enkalakalira Emmanuel Kirunda mu kkooti.

Bannamawulire bano bagamba nti okusalawo okubagaana okwesimbawo mu bifo ebyobukulembeze mu UJA kimenya mateeka.