Amawulire

Kkooti eragidde Omusango gwa Meeya wé Ntebbe okudamu okuwulirwa

Bya Ruth Anderah,

Kkooti ejjulirwamu eragidde omusango gwe byokulonda ku kifo kya meeya we Entebbe guddemu okuwulirwa.

Kkooti enkulu yali yakakasa Rulinda Fabric Brad nga meeya omulonde owekibuga kye Entebbe.

Abalamuzi 3 abakkooti ejjulirwamu okuli Frederick Egonda Ntende, Christopher Madrama ne Eva Luswata bakizudde nti obujulizi obwasooka okuleetebwa tebumatiza.

Kati bakkiriza okusaba kwa De Paul Kayanja omusango gudemu okuwulirwa mu kkooti enkulu wansi womulamuzi omulala.

Rulinda era alagibwa okuliyirira to De Paul Kayanja ensimbi zasasanyiriza mu kkooti.

Nga September 31st 2021 Kkooti enkulu wansi womulamuzi Isaac Muwata yagoba omusango gwa Kayanja nga agamba nti obujjulizi bwe bwali bwambu.

Kayanja yaddukira mu kkooti nga awakanya obuwanguzi bwa Fabris mu kulonda okwaliwo mu mwezi gwa Gatonya.