Amawulire

Kkooti ekakkasiza okulondebwa kwómubaka Wilfred Nuwagaba

Bya Ruth Anderah,

Kkooti ejjulirwamu ekakkasiza okulondebwa kwómubaka wa Ndorwa East mu palamenti Wilfred Nuwagaba.

Abalamuzi 3 okuli Elizabeth Musoke, Muzamir Kibedi ne Monica Mugenyi bagobye omusango gwa Protazio Begumisa eyadukira mu kkoti nga awakanya obuwanguzi bwa Niwagaba mu kulonda okwaliwo omwaka oguwedde.

Begumisa yadukira mu kkooti ejjulirwamu Oluvanyuma lwokuwangulwa mu kusaba kweyatwala mu kkooti enkulu eyómulamuzi Benjamin Odoki e Kabale nga yali ayagala obuwanguzi bwa Nuwagaba ngomubaka wa Ndorwa East mu palamenti busazibwemu nga alumiriza nti okuyitamu teyagoberea mateeka.

Wabula oluvanyuma lwokudukira mu kkooti ejjulirwamu era alemeredwa okuleeta obujjulizi obuwagira empabaye.

Abalamuzi ba kkooti ejjulirwamu bagusaze nebategeza nti BEGUMISA empabaye teliimu nsa, omusango gugobedwa wabula nasonyibwa okusasula ensimbi Nuwagaba zasasanyiriza