Amawulire

Kiplimo alondebbwa ngómuzannyi asinze omwezi oguwedde

Bya Mike Sebalu,

Omuddusi w’embiro empanvu Jacob Kiplimo alondeddwa bannamawulire bannabyamizannyo wansi w’ekibiina ekibataba ki Uganda Sports Press Association (USPA) nga munnabyamizannyo asinze banne omwezi oguwedde.

Mu lukungana lwabwe olutuula buli bbalaza esooka mu mwezi olutudde ku imperial Royale hotel wano mu Kampala, Jacob Kiplimo afunye obubonero 320 ng’ono amezze Yassin Nasser omuvuzi wa mmotoka z’empaka.

Kiplimo yawangula empaka za New York half marathon omwezi oguwedde songa ye Yassin Nasser gw”abadde avuganya naye yakwata kyakubiri mu mpaka za Equator rally ezaali mu ggwanga lya Kenya.

Ekirabo kino lwekirimukwasibwa kyakujjirako ensimbi emitwalo 50 okuva mu Nile Special