Amawulire

KIgongo awera- okuzzaayo foomu kwakutandika

Amyuka ssentebe w’ekibiina kya NRM mu ggwanga  Alhajji

Moses Kigongo ategezezza nga bwali omwetegefu okuvuganya n’omuntu yenna ayagala okumwesimbako.

Kigongo ategezezza nga bw’akyalina embavu ku kifo kino nga era wakugenda mu maaso n’okuwereza.

Ye  sipiika wa palamenti Rebecca Kadaga yagyeyo foomu z’okwesimbawo ku bw’amyuka ssentebe owokubiri.

Abantu ab’enjawulo basuubirwa okugyayo foomu nga nsalesale w’enkya tanaggwako nga n’omukulembeze w’eggwanga asuubirwa okuzigyayo olunaku lw’enkya.

Akakiiko k’ebyokulonda ak’ekibiina kya  NRM kataddewo ennaku z’omwezi okuva nga 11-20 August abo bonna abagyeyo empapula okwesimbawo ku bwapulezidenti, loodi meeya, obubaka bwa palamenti n;obwa ssentebe bwa zi disitulikiti mu kamyufu webalina okuzidizaayo.

Bbo abaagala ebifo ebyawansiko balina kuzizaayo okuva nga  11-15 .

Ssentebe w’akakiiko k’ebyokulonda ak’ekibiina kino Dr Tanga Odoi  ategezezza nti oluvanyuma lw’okuzzaayo empapula zino olwo bakutandika okwekeneneya empapula zaabo bonna abesimbyewo.

Wabula azzemu okukalambira nga nsalesale w’okugyayo foomu z’okusunsulibwa bw’aggwako olunaku lw’enkya okugyako nga akakiiko akafuzi kakyusizzaamu.