Amawulire

keekadde okwegatta- Besigye

Ekya bannabyabufuzi nga eyali ssabaminisita Amama Mbabazi, eyali omumyuka w’omukulembeze w’eggwanga Prof. Gilbert Bukenya ne Gen. David Sejusa okwabulira ekibiina kya NRM kitunuliddwa nga ekigenda okugasa ab’oludda oluvuganya gavumenti.

Eyali ssenkaggale w’ekibiina kya  FDC Dr Kiiza Besigye agamba guno mukisa gwamanyi bano okukwatagana okukyuusa obukulembeze bw’eggwanga.

Bino Besigye abyogeredde mu lukungaana lw’akubye Arua mu kawefube w’okunonya akalulu k’okukwatira ekibiina kye Bendera ku bwapulezidenti mu kulonda kwa 2016.

Okusinziira ku Besigye, kyekiseera bannabyabufuzi ab’enjawulo okukwatagana banunule eggwanga lyabwe.

Besigye avumiridde obwavu obuyitiridde mu bantu mu bitundu bya West Nile kyatadde ku ky’obutagabanya na bwenkanya eby’obugagga by’eggwanga ne mumpeereza y’emirimu.

Besigye olwaleelo akyagenda mu maaso ne kampeyini ze e Maracha, Koboko ne  Moyo sso nga ye bwebavuganya Gen Mugisha Muntu akyatalaga  bitundi byamu Buganda.