Amawulire

KCCA eyongezaayo okuwandiisa ababoodabooda mu kampala

Bya Prossy Kisakye,

Ekitongole ki Kampala Capital City Authority (KCCA) kyongezzaayo ennaku z’okuwandisizaako aba booda booda mu Kampala okutuusa nga 16-09/2022.

Omulimu guno gumu ku nteekateeka abatwala ekibuga zebatunuulidde okuyitamu okulungamya entambula y’omulimu gw’aba booda mu Kibuga, gwabadde gulina okukoma n’ennaku z’omweezi 30 oluvanyuma lw’ennaku 15 nga gugenda mu maaso.

Kati ng’ayogerako eri ab’amawulire ku Media Centre, Omumyuka w’atwala emilimu mu kitongole Eng David Luyimbazi ategeezezza nga bwebawaliriziddwa okwongezaayo okuwandiisa olw’abavuzi ba booda bangi abaabadde bafikidde ate nga balaze obwetaavu.