Amawulire

KCCA eyimiriza omusolo ku baasi

Bya Mike Sebalu,

Abaddukanya ekitongole kya Kampala Capital City Authority (KCCA) bayimirizza ebikwekweto byonna eby’okukwata badereva bbaasi abagambibwa okulemererwa okusasula omusolo ogubagibwako ogumanyiddwa nga park user fees.

Kino kiddiridde ensisinkano eyabadewo olunaku lweggulo wakati wa bannannyini bbaasi wansi w’ekibiina ekibagatta ekya Uganda Bus Owners Association (UBOA) ne baminisita n’abakozi abalala ab’ekikugu okuva mu bitongole bya gavumenti eby’enjawulo ku ofiisi za Minisitule ya Gavumenti ez’ebitundu mu Kampala.

Olukiiko luno lwabadde lugendereddwamu kukola ku nsonga ezaayogerwako bannannyini bbaasi ezikwata ku musolo ogusoloozebwa buli bbaasi obukadde bwa Shs2.4 buli mwaka, gwe bagamba nti gubanyigiriza nyo era nga gwa kubasikambula okuva mu bizinensi.

Okusinziira ku minisita w’ensonga za Kampala Minsa Kabanda, ensimbi zino ziyimiriziddwa okutuusa nga August 30th lwe banaatuuza olukiiko olulala basalewo ekyokukola.