Amawulire

Kattikiro agumizz abantu

Bya Shaimim Nateebwa

Katikkiro Charles Peter asabye abaami bagumye abantu ba Buganda babeere ne ssuubi, embeera gyebayitamu bakujiyitamu wadde ebisoomooza weebiri.

Owekitiibwa Mayiga abadde asisinkanye abaami ba Kabaka ab’amagombolola g’omu Masaza ga Ssaabasajja Kabaka ku Muganzirwazza mu Kampala.

Mu bubakabwe, Katikkiro asabye ab’amagombolola okukyaliragana olwo basobole okwetegeera n’okubeera ekimu.

Mu ngeri yeemu abasabye batandikewo ensawo y’okwekulaakulanya basobole okwezimba nga amaanyi bagatadde wamu kibasobozese okutambula olugendo oluwanvu.

Kamalabyonna Katikkiro yebazizza abaami olw’enteekateeka ennungi gyebakola ey’okukiika embuga mu nkola ya Luwalo Lwaffe.