Amawulire

Kaihura awummule- JEEMA

Ab’ekibiina kya JEEMA basabye ssabapoliisi w’eggwanga Gen Kale Kayihura alekulire kubanga alemereddwa okuzuula abatta abakulembeze b’abayisiraamu.

Olunaku lw’eggulo seeka omulala Ibrahim Hassan Kirya nga y’abadde omwogezi w’obukulembeze bw’ekibuli naye y’atiddwa abantu abatanategerekeka wali e Bweyogerer kumpi n’ettaawo.

Omwogezi w’ekibiina kino  Swaib Kaggwa Nsereko ategezezza nga poliisi okunonyereza bwekigiremye kale nga ye ssaawa Kayihura akkirize nti emirimu gimulemye awummule.

Ono era alabudde nti ettemu lino lyandisasanira ne mu bakulembeze b’amadiini abalala.

Mu kusabira omwoyo gw’omugenzi ku muzikiti e kibuli  ssabapoliisi w’eggwanga  Gen Kale Kayihura y’ategezezza nga poliisi bwetakoze kimala kuyimiriza ttemu ku  bamaseeka wabula nga okunonyereza kwakugenda mu maaso.