Amawulire

Japan ekyebuuza ku bisiyaga

Gavumenti ya Japan etegezezza nga okusala obuyambi ku Uganda olweteeka ly’ebisiyaga bwekitajja kumalawo buzibu ku teeka lino nga era enkolagana y’amawanga abiri esukka ku by’ebisiyaga.

Bwabadde ayogerako eri banamawulire olunaku olwaleero , omubaka wa Japan mu uganda  Junzo Fujita, ategezezza nga Japan bwegoberera amateeka g’ensi yonna era nga bakusooka okwebuuza kubanga balina okugassamu ekitiibwa.

Wabula agambye nti uganda yakiriza okuteeka munkola amateeka g’ensi yonna ku ddembe ly’obuntu ,kale nga ebirowoozo by’abantu birina okutekebwamu ekitiibwa.

Gavumenti ya Norway olunaku olwegulo, yategezezza nga bwesazze  ku uganda obuwumbi 20  ezbade ezobuyambi ,oluvanyuma lwa pulezidenti Museveni okuteeka omukono ku teeka ly’ebisiyaga.