Amawulire

Janet Ayagaliza abayizi emikisa basobole okukola obulungi ebigezo bya UNEB

Bya Damali Mukhaye,

Minisita w’ebyenjigiriza Janet Museveni ayagaliza abayizi bonna mu ggwanga abagenda okukola ebigezo bya UNEB emikisa basobole okukola obulungi.

Ebigezo bya siniya eyokuna ebya UCE byatandise olunaku lweggulo okwetoloola eggwanga.

Obubaka bwa Janet Museveni bwaayisiza ku mukutu gwa minisitule eye byenjigiriza, bulaga obukulu bw’okubeera n’endowooza ennungi n’okwetegeka obulungi mu kiseera kino eri abayizi.

Akkaatirizza obukulu obuli mu bayizi okwetegekera obulungi ebigezo bino kuba bisalawo ku mutendera gwe byenjigiriza omulala gwe bazaako.

Ono era awaddeyo abayizi amagezi okukuuma obudde wakati mu kukola ebigezo byabwe, obutava ku mulamwa nokwefaako babeere balamu bulungi.