Amawulire

Government egamba nti ababaka bali mu mbeera nungi.

Bya Ssamuel ssebuliba.

Government evudeyo n’esambajja ebibadde bigambibwa nti ababaka ba Parliament abaakwatiddwa mubitundu bye Arua baatulugunyiziddwa ebitagambika, era nga bangi bali mumbeera mbi .

Bino bibadde mukiwandiiko ekisomeddwa amyuka ssabaminister Gen Moses Ali,  bwabadde ategeeza parliament ababaka bano gyebaali, nga kwogase n’ebibakwatako.

Kati mukunyonyola Gen Moses Ali agambye bano bali ku police ye Gulu, bali mumbeera nungi, era nga buli ayagala okubalabako wadembe.

Ono mungeri yeemu agambye nti  omubaka wa Kyadondo Robert Kyagulanyi yasangidwa n’emundu, kale nga okunonyereza kugenda mu maaso  okumanya gyeyagijje nekyeyabadde agenda okugikozesa.

Kati ono agamba nti Kyagulanyi ono agenda kutwalibwa mu kooti yamajje avunanibwe olw’okusangibwa n’ekyokulwanyisa.