Amawulire

Gavumenti yewozezzaako ku nkyukakyuka mu mateeka g’okulonda

Amyuka omukulembeze w’eggwanga Edward Kiwanuka Ssekandi avuddeyo n’awolereza gavumenti ku nkyukakyuka mu mateeka g’ebyokulonda ezaaleteddwa

Ono agumizza abantu nti akakiiko akalondesa kakwetengerera ng’era bwekyeyolese mu nongosereza ezaleeteddwa

Ssinga ebbago lino liyita, akakiiko akalondesa kakukyusibwa erinnya kyokka ng’era okulonda abakaliko kwakukolebwa omukulembeze w’eggwanga

Ng’ayogerako eri bannamawulire, Ssekandi agambye nti ekikulu beebantu abalondebwa ku kakiiko ssi kirala.

Ono agamba nti yadde pulezidenti y’alonda abatuula ku kakiiko, mulimu gwa palamenti okubasunsula

Bbo nno ababaka okuva ku ludda oluvuganya bagamba nti ebbago ku nongosereza mu mateeka g’okulonda ezaleeteddwa tezisobola kuvaamu kulonda kwa mazima na bwenkanya

Bano abakulembeddwaamu Cecilia Ogwal ne Mathius Mpuuga bagamba nti gavumenti okukyusa erinnya ly’akakiiko akalondesa tekimala

Basabye bannayuganda okuwakanya ebyaleteddwa kubanga byakigumaaza