Amawulire
Gavumenti yeganye Ceasar Augustus Mulenga
Gavumenti yeganye eby’okutuuza Ceasar Augustus Mulenga ku bukulembeze bw’enono e Kisoro.
Kiddiridde ebyafulumye nga Mulenga ono bweyatuziddwa nga omukulembeze w’enono ow’abantu be Kisoro.
Kati nga ayogerako nebannamawulire , minisita omubeezi omubeezi ow’abakadde n’abalina obulemu ku mibiri gyabwe Sulaiman Madada ategezezza nga Mulenga okwerangirira ku bukulembeze buno bwekimenya amateeka kubanga teyagoberera mateeka agafuga abakulembeze b’enono.
Minisita Madada kati alagidde Mulengi ono n’abamuwagira okukomya emirimu gyonna egy’obukulembeze bwabwe era n’asaba ne ssabapoliisi w’eggwanga Gen Kale Kayihura okuwata omusajja ono singa agenda mu maaso n’okweyita kyatali.