Amawulire

Gavumenti yakwewola obuwumbi obusoba mu 200

Olukiiko lwabaminisita luwadde gavumenti olukusa okwewola obuwumbi 280 okwongera ku bunji bw’amasanyalaze mu ggwanga.

Ku zino obukadde bwa Euro 45 bwakuva mu ekitongole kya Bufaransa ekyebyenkulaklana sso nga obukadde 40 zaakuva mu banka mu ggwanga ya Germany eya German Development Bank.

Zino zaakuzimba ebbibiro ly’amasanyalaze erya Muzizi nga lino lisangibwa mu disitulikiti ye Kibaale.

Minisita w’ebyamawulire Jim Muhwezi ategezezza nga kino bwekigendereddwamu okwongera ku bunji bw’amasanyalaze mu ggwanga.

Muhwezi ategezezza nga nga bwebaamaze dda okwekebejja omugga Muzizi webagenda okuzimba ebbibiro lino nga ekiddako kutandika kuzimba.

Mungeri yeemu gavumenti ekakasizza akakiiko k’abantu 8 ak’okuddukanya ekifo ky;ebyobuwangwa by’eggwanga.

Akakiiko kano akakulemberwamu Dr. Michael Odong kekokuddukanya ekifo kino era n’okulabirira ebintu byonna.