Amawulire

Gavumenti yakujulira

File photo: Ababaka ba Palimenti

Gavumenti emaze okussaayo okusaba nti okussa mu nkola ebyasaliddwaawo kkooti etaputa ssemateeka ku ky’ababaka b’abavubuka, abakozi n’abamaggye kuyimirizibwe

Ssabawolereza wa gavumenti omukulu Fredrick Ruhindi agambye nti kituufu nti tewali mateeka malambulukufu ku ngeri bano gyebalondebwaamu kyokka nga byonna bisobola okukolebwaako.

Ruhindi era atangaazizza nti ssi kituufu nti ababaka abaliyo mu palamenti bajjiddwaayo ng’akikkatirizza nti kino kikwata ku babaka abandibadde bajja.

Olunaku olweggulo kkooti eyaputa ssemateeka yayimirizza okuddamu okulonda abakiise b’abavubuka, ab’amaggye n’abakiise n’abakozi mu palamenti ng’egamba nti tewali mateeka galambika ngeri gyebalina kulondebwaamu.