Amawulire

Gavumenti efunye sente z’okuzzawo olutindo lwa Katonga

Bya Damali Mukhaye. Gavumenti etegeezezza nga bwemaze okufuna ensimbi ezigenda okuyamba ekitongole ky’ebyenguudo ki Uganda National Roads Authority okuzzaawo oluguudo lwa Kampala Masaka olwawomogose mu bitundu ebya Katonga sabiiti ewedde olw’okubooga kw’amazzi mu kitundu ekyo.

Minisita Omubeezi ow’eby’obusuubuzi David Bahati, ategeezezza nga  ebisingawo ku nsimbi zino bwebijja okwanjulibwa Parliament olunaku lw’enkya Minisita bwanaaba alabiseeko eri Paalamenti.

Kiddiridde ababaka okwemulugunya nga omulimu guno bwegwandiwunzika nga gulemesezza buli kintu okugenda mu maaso singa tegulowozebwako mu ngeri ey’obwangu.