Amawulire

Gavt ekendezeza kunsasanya

Bya Rita Kemigisa,

Minisitule ye by’ensimbi esazze kunsasanya mu kitundu ekisooka eky’omwaka gwe by’ensimbi gwetwakayingira nekigendererwa ekyokulwanyisa okupaaluuka kwe miwendo gyebintu.

Bwabadde afulumya ensimbi ezigenda okulabirira ekitundu ekisooka mu mwaka gwe byensimbi 2022-23, omuteesiteesi omukulu owa minisitule eno Ramathan Ggoobi, agambye nti ensimbi zisaliddwa ne bitundu 19% nga zensimbi obutabalika 4.6

Ate ye akolanga Director wa Budget Laban Mbalamuko, agambye nti gavt yabadde yakufulumya bitundu 25% bwebutabalika 12 kunsimbi ezawamu obusse 48

Obuwumbi 662 zifulumiziddwa okusasula ebbanja ate obuwumbi 230 nazo ziweereddwayo mu bujjuvu ku ssente z’akasiimo n’okusasula.

Ebitongole by’ebyokwerinda biweereddwa obuwumbi 721, palamenti obuwumbi 175, ekiramuzi obuwumbi 47.6, Yunivasite obuwumbi 98.

Ate Gavumenti z’ebitundu mu kiseera kino ziweereddwa obuwumbi 98 ate ebitongole by’ebyobulamu n’eby’obulimi, obuwumbi 160 ne 13bn.