Amawulire

Gashumba ne Muganda we bakiriziddwa okweyimirirwa

Bya Ruth Anderah

Omutapusi wensonga zebyobufuzi nedala eza wano na wali Frank Gashumba ne Muganda we Innocent Kasumba bavunaniddwa mu kooti ya Buganda Road emisango 7 okuli okwefuula kyebatali, obufere nokujingirira ebiwandiiko nemiralala egykuusa ku kusangibwa nebiragalalagala.

Gashumba ne Kasumba  ne wofiisa mu byokutambula nokulambula okuva mu kampuni ya MJ Safaris  company Ismail Kiyingi balabiseeko mu maaso gomulamuzi James Ereemye Mawanda.

Omulamuzi abagambye nti emisango gyabwe minene era tebayinza kubaako kyebaddamu, kubanga nabawaabi ba gavumenti tebabaddeewo, olwakediimo kebalimu nga babanja emisaala.

Wabula omulamuzi abakiriza basabe okweyimirirwa kubanga ddembe lyabwe mu ssemateeka.

Bano kigambibwa nti bekobaana ne Kiyinji nebalyoka bakozesa obufere nebiwandiiko ebijingirire nga beyita abakungu okuva mu Ministry yebyokwerinda nebalyoka bafera aba-Dutch okubajjako ensimbi.

Bano basubiza okuwa abazungu bano contract okuguza Uganda ebimotoka, tanka zamazzi, nebikola ebiralala.

Bano era kigambibwa nti basangibwa nenjaga.

Ababiri bayimbuddwa ku kakalu ka kooti ka bukadde 20 ezitabadde za buliwo.

Abamu ku babeyimiridde kubaddeko omubaka wa Kalungu East, Joseph Ssewungu.