Amawulire

Eyali minisita Engola nómusirikale wa Poliisi Olalo bebamu kubagenda okufuna emiddaali i

Bya Jane Nafuna,

Eyali minisita wa bakozi, Sam Engola ne eyali kaminsona wa poliisi Christine Alalo, be bamu ku baserikale abagenda okuweebwa ekitiibwa mu bikujjuko by’olunaku lwa bazira olugenda okukuzibwa mu Disitulikiti y’e Luweero olwaleero.

Engola yakubwa amasasi omukuumi we omwezi oguwedde mu Kampala, ate Alalo y’omu ku basaabaze abaafiira mu kabenje k’ennyonyi ya Ethiopian Airlines mu March wa 2019.

Bano bagenda kusiimibwa n’ekirabo kya Masaba Star Award ne Personal Sacrifice Medals.

Okusinzira ku minisita avunanyizibwa kunsonga zóbwapulezidenti Milly Babalanda, olwaleero bannayuganda 51 bebagenda okufuna emidaali egy’enjawulo nga basiimibwa olw’obuweereza bwabwe.

Emidaali gino gigenda kukwasibwa Ssaabaminisita Robinah Nabbanja agenda okukiikirira pulezidenti.

Ono era asuubirwa okutandika okuggulawo omulimu gw’okukola oluguudo lw’e Luweero Butalangu olubadde lulindiriddwa, nga lumaze emyaka 7 nga terunnateekebwa mu nkola.

Pulezidenti yalangiridde ku Lwokusatu nti agenze mu kweyawula oluvannyuma lw’okukeberebwa n’azuulibwamu ekirwadde kya Covid-19, emirimu gye n’agikwasa Ssaabaminisita.