Amawulire

Eyakubye munnamawulire anonyerezebwaako

Poliisi etandise okunonyereza ku aduumira poliisi ya Old Kampala Jorum Mwesigye eyakkakanye ku bannamawulire n’abakuba  nga awuttula ensolo.

Olunaku lw’eggulo ofiisa ono y’asiiwuse empisa n’awuttula munnamawulire wa WBS  Andrew Lwanga n’ayonona ne kamera ye nga  akwata abavubuka abaabadde bekalakaasa olw’ebbula ly’emirimu.

Omwogezi wa poliisi mu ggwanga  Fred Enanga ategezezza nga aduumira poliisi mu Kampala n’emiriraano Haruna Isabirye bwey’alagiddwa edda okutandika okunonyereza ku musajja waabwe ono.

Agamba ne munnamawulire wakuyitibwa abanyonyole ogwabadde nga tebanatwala Mwesigye ono mu kakiiko kaabwe akakwasisa empisa.